+ 7 (7172) 999 387
hajj@muftyat.kz
18 тамыз, 2018

МЕККЕ: ҚАЖЫЛЫҚ МӘСЕЛЕЛЕРІНЕ АРНАЛҒАН АЛҚАЛЫ ЖИЫН ӨТТІ (ФОТО)

Мекке шаһарында қажылық сапарын ұйымдастыру-үйлестіру  жұмыстарына қатысты арнайы алқалы жиын өтті.
Жиналысқа Қажылық миссиясының төрағасы, наиб мүфти Бауыржан қажы Әбдірашұлы, Қазақстанның Жидда қаласындағы Бас консулы Талғат Шалданбай, ҚМДБ Аппарат басшысы, миссия төраға орынбасары Ғылымбек Мəжиев, Қоғамдық даму министрлігінің өкілі Бақытжан Дүйсебаев, қажылық компанияларының жетекшілері, жолбасшы (гид) мамандар, имамдар қатысты.
Жиында дәрігердің жұмысы, жолбасшы (гид) мамандардың қызметі, қонақүйлерде санитарлық талаптардың сақталуы, қажыларға түсіндірме жұмыстардың жүргізілуі, діни рәсімдердің дұрыс орындалуы, азаматтардың денсаулығы, жол-көлік қауіпсіздігі, т.б. мәселелер кеңінен талқыланды. 
Ресми жиналысты ашқан наиб мүфти, Қажылық миссиясының төрағасы Бауыржан қажы Әбдірашұлы фирма жетекшілеріне мүфтият пен Қажылық министрлігінің талаптарын ыждаһаттылықпен орындау қажеттігін жеткізді.
Өз кезегінде сөз алған Жидда қаласының Бас консулы Талғат Рақымқұлұлы қажылық сапарының ұйымдастыру жұмыстарына елшілік тарапынан жан-жақты қолдау көрсетілетінін мәлімдеді. 
Ал ҚМДБ Аппарат басшысы Ғылымбек Жәдігерұлы фирма жетекшілері мен имамдарға дәстүрлі емес діни көзқарастағы тұлғалардың уағыз айтуына жол бермеуді тапсырды.
Қоғамдық даму министрлігінің өкілі Бақытжан Дүйсебаев та уәкілетті орган тарапынан қолдау көрсетіліп жатқанын жеткізді.
Жиын соңында Қажылық миссия басшылары фирма жетекшілері мен имамдарға тиісті тапсырмалар берді.